Gríski lykillinn

Hvað gerist þegar sovéskur hershöfðingi ákveður að svíkja sitt eigið ríki? Hvaða leyndarmál eru þess virði að deyja fyrir? Sovéskur hershöfðingi flýr til vestursins með lestinni Atlantic Express. Ferðataskan hans er full af leyndarmálum sem enginn annar má vita af. Menn frá leyniþjónustunni CIA gera allt sem þeir geta til að vernda hershöfðingjann á meðan hann er í lestinni. Sovéskir njósnarar munu reyna að stöðva hann sama hvað það kostar. Sovétmenn hrinda viljandi af stað banvænu snjóflóði, með það markmið að eyðileggja lestina og drepa alla sem eru um borð. Getur hershöfðinginn - og ekki síst leyndarmálin sem hann ber með sér - lifað af morðtilraunina? Þegar þú byrjar að lesa er hætta á því að þú viljir ekki stíga úr lestinni fyrr en á allra síðustu síðu. Þessi bók er fyrir þá sem elska hraða, spennu og kalda stríðs stemningu. Hugsaðu þér James Bond í bland við hraðlest, snjóflóð og pólitísk samsæri!

Myndir þú hjálpa óvini þínum ef hann biði um það? Sex nýjar grafir finnast í afskekktum kirkjugarði í Norfolk. Enginn veit hvaða fólk er grafið þarna og hvers vegna það var myrt. Á sama tíma hverfur einn hættulegasti hernaðarsérfræðingur Rússlands sporlaust. En þetta er ekkert venjulegt hvarf. Maðurinn hefur yfir að ráða gríðarlegu magni af sprengiefni. Ef hann ákveður að nota það getur afleiðingin orðið skelfileg. Það versta er að enginn veit hvar hann er, hvað hann ætlar sér að gera eða hver næsta árás verður. Nú snýr Rússland sér óvænt til breska leyniþjónustumannsins Tweed og biður hann um hjálp. Tweed og samstarfsmenn hans, Bob Newman og Paula Grey, hefja því hættulega leit að manninum sem virðist alltaf vera skrefi á undan þeim. En eftir því sem þau komast nær sannleikanum verða fleiri fórnarlömb og vísbendingarnar sífellt dularfyllri. Tekst þeim að stöðva hann áður en hann lætur til skarar skríða? Ef þú hefur gaman að bókum sem sameina spennu, njósnir og leyndarmál sem halda forvitni þinni frá fyrstu síðu þá er serían um Tweed & Co fullkomin fyrir þig.

Hversu auðvelt er að hafa áhrif á heilt samfélag með áróðri? Er ótti öflugra vopn en byssur og sprengjur? Ofsafengnar óeirðir brjótast út í Frakklandi. Menn með lambhúshettur herja á götur borganna og fara með logandi eldkrossa að gyðingum og innflytjendum. Grunur vaknar um byltingu í Evrópu, með ofstækisfulla og miskunnarlausa þjóðernissinna í broddi fylkingar. Morð, óvænt slys og pólitísk spenna ríkir víðs vegar um Evrópu. Dularfullur hópur kúgar vestræn stjórnvöld og hótar kjarnorkuárásum í stórborgum. Aðstoðarforstjóri bresku leyniþjónustunnar, Tweed, ásamt aðstoðarmönnum sínum Paulu og Bob, flækjast í málið. Þau þurfa að elta uppi og stöðva þessar grímuklæddu ógnir áður en þær geta hrundið af stað heimsendi. En hverjum er hægt að treysta í heimi sem er gegnsýrður af ótta? Eldkrossin er full af óvæntum vendingum, spennandi eltingarleikjum og hættulegum aðstæðum. Bókin hentar vel þeim sem hafa gaman að spennusögum þar sem njósnir, samsæri og hraður söguþráður fléttast saman og heldur spennunni allt til loka.

Hvernig er hægt að leita hefndar þegar þú veist ekki hverjum þú ert að leita af? Síðustu skilaboðin sem Bob Newman, starfsmaður í teymi Tweed aðstoðarforstjóra hjá bresku leyniþjónustunni, fékk frá eiginkonu sinni áður en hún var myrt voru að stöðva yrði Adam Procane. Myndband af morðinu er sent til London ásamt hótun um að halda sig frá Procane. En vandamálið er enn stærra: það veit enginn hver Procane raunverulega er. Nafnið er dulnefni einstaklings sem hefur aðgang að viðkvæmum upplýsingum bandarískra stjórnvalda. Hann ætlar sér að svíkja eigið land og flýja sem gætu haft alvarlegar afleiðingar. Knúinn áfram af sorg og í hefndarhug fer Bob af stað í leyfisleysi til að finna einstaklinginn sem drap eiginkonu hans. Til þess að Bob komi sér ekki í frekari vandræði fara Tweed og teymið hans á eftir honum. Þau verða að finna út hver Procane er áður en það verður um seinan. Flóttinn gegnum Finnland er sérsniðin fyrir þá sem vilja kafa inn í heim leyndardóma, hættu og flókinna samsæra þar sem hver blaðsíða færir þá nær sannleikanum.

Hvað myndir þú gera ef þú vissir af leyndarmáli sem gæti hrundið af stað stríði? Myndir þú segja sannleikann eða reyna að flýja? Ógnir alpakastalans er spennutryllir sem grípur lesandann strax frá fyrstu blaðsíðu. Fylgst er með Tweed og teyminu hans takast á við taugatrekkjandi aðstæður. Sagan gerist í Sviss á 10 daga tímabili. Lyfjafyrirtæki er að nota sjúklinga sem tilraunadýr í rannsóknum sínum. Svissneski herinn virðist vera furðulega áhugasamur um að halda þessum rannsóknum leyndum. Ætli þetta sé leynilegt verkefni á vegum hersins? Og til hvers ætli rannsóknirnar séu? Aðalpersónurnar þurfa að treysta innsæi sínu þegar þær dragast inn í aðstæður þar sem valdamiklir menn stjórna á bak við tjöldin. Sagan er full af hraða, spennu og óvæntum uppákomum sem halda lesandanum á tánum allan tímann. Bókin hentar þeim sem hafa gaman að ráðgátum og njósnasögum þar sem hættan leynist á hverju horni.