Flóttinn gegnum Finnland

Getur einn skriðdreki og áhöfn hans lifað af hundruð kílómetra í gegnum land óvina? Í Norður-Frakklandi árið 1940 sækir þýski herinn hratt fram og breski herinn á undir högg að sækja. Í miðri ringulreiðinni verður breskur skriðdreki viðskila við sína eigin hersveit sem verður til þess að áhöfnin situr föst langt inni á yfirráðasvæði óvinarins. Þegar þýskar flugvélar gera loftárás neyðist áhöfnin til að leita skjóls í járnbrautargöngum. En það sem átti að vera öruggt skjól breytist fljótt í gildru... Þegar áhöfnin kemst loksins út uppgötvar hún að þau eru enn langt frá eigin mönnum. Nú hefst kapphlaup við tímann! Breski skriðdrekinn þarf að komast yfir franskt landsvæði, þar sem þýskir skriðdrekar og flugvélar geta birst hvenær sem er. Á sama tíma reyna þeir að finna út hverjum er hægt að treysta. Mun áhöfnin ná að komast aftur heim? Ef þú vilt sökkva þér í spennandi sögur um stríðsátök, mikla hættu og hasar þá er Stöðugt í skotmáli frábær kostur.

Hvað gerist þegar sovéskur hershöfðingi ákveður að svíkja sitt eigið ríki? Hvaða leyndarmál eru þess virði að deyja fyrir? Sovéskur hershöfðingi flýr til vestursins með lestinni Atlantic Express. Ferðataskan hans er full af leyndarmálum sem enginn annar má vita af. Menn frá leyniþjónustunni CIA gera allt sem þeir geta til að vernda hershöfðingjann á meðan hann er í lestinni. Sovéskir njósnarar munu reyna að stöðva hann sama hvað það kostar. Sovétmenn hrinda viljandi af stað banvænu snjóflóði, með það markmið að eyðileggja lestina og drepa alla sem eru um borð. Getur hershöfðinginn - og ekki síst leyndarmálin sem hann ber með sér - lifað af morðtilraunina? Þegar þú byrjar að lesa er hætta á því að þú viljir ekki stíga úr lestinni fyrr en á allra síðustu síðu. Þessi bók er fyrir þá sem elska hraða, spennu og kalda stríðs stemningu. Hugsaðu þér James Bond í bland við hraðlest, snjóflóð og pólitísk samsæri!

Hvað ef leyndarmál frá seinni heimsstyrjöldinni gæti enn í dag valdið alþjóðlegu stórslysi? Harry Masterson, leyniþjónustumaður, finnst látinn við rætur grísks fjalls. Tweed, breskur leyniþjónustumaður, ákveður að komast að því hver stendur á bakvið morðið. Rannsóknin leiðir Tweed og samstarfs menn hans Paulu Grey og Bob Newman, að gömlu morðmáli sem átti sér stað um 40 árum áður, í seinni heimsstyrjöldinni. Þá tóku breskir hermenn þátt í árás á grísku eyjuna Siros. Þrír þeirra sem tóku þátt í árasinni búa nú nálægt hver öðrum í Englandi, og þeir virðast vera dauðhræddir. En hvað eru þeir hræddir við? Tweed og teymi hans fara að púsla saman vísbendingum. Þau komast að því að málið snýst ekki bara um hefnd eða gamalt morð, heldur stórt samsæri sem gæti haft áhrif á alþjóðlegt jafnvægi og frið milli austurs og vesturs... Ef þér finnst gaman að púsla saman vísbendingum, leysa ráðgátur og reyna að komast að sannleikanum á undan persónunum, þá er serían um Tweed & Co gerð fyrir þig.

Myndir þú hjálpa óvini þínum ef hann biði um það? Sex nýjar grafir finnast í afskekktum kirkjugarði í Norfolk. Enginn veit hvaða fólk er grafið þarna og hvers vegna það var myrt. Á sama tíma hverfur einn hættulegasti hernaðarsérfræðingur Rússlands sporlaust. En þetta er ekkert venjulegt hvarf. Maðurinn hefur yfir að ráða gríðarlegu magni af sprengiefni. Ef hann ákveður að nota það getur afleiðingin orðið skelfileg. Það versta er að enginn veit hvar hann er, hvað hann ætlar sér að gera eða hver næsta árás verður. Nú snýr Rússland sér óvænt til breska leyniþjónustumannsins Tweed og biður hann um hjálp. Tweed og samstarfsmenn hans, Bob Newman og Paula Grey, hefja því hættulega leit að manninum sem virðist alltaf vera skrefi á undan þeim. En eftir því sem þau komast nær sannleikanum verða fleiri fórnarlömb og vísbendingarnar sífellt dularfyllri. Tekst þeim að stöðva hann áður en hann lætur til skarar skríða? Ef þú hefur gaman að bókum sem sameina spennu, njósnir og leyndarmál sem halda forvitni þinni frá fyrstu síðu þá er serían um Tweed & Co fullkomin fyrir þig.

Hversu auðvelt er að hafa áhrif á heilt samfélag með áróðri? Er ótti öflugra vopn en byssur og sprengjur? Ofsafengnar óeirðir brjótast út í Frakklandi. Menn með lambhúshettur herja á götur borganna og fara með logandi eldkrossa að gyðingum og innflytjendum. Grunur vaknar um byltingu í Evrópu, með ofstækisfulla og miskunnarlausa þjóðernissinna í broddi fylkingar. Morð, óvænt slys og pólitísk spenna ríkir víðs vegar um Evrópu. Dularfullur hópur kúgar vestræn stjórnvöld og hótar kjarnorkuárásum í stórborgum. Aðstoðarforstjóri bresku leyniþjónustunnar, Tweed, ásamt aðstoðarmönnum sínum Paulu og Bob, flækjast í málið. Þau þurfa að elta uppi og stöðva þessar grímuklæddu ógnir áður en þær geta hrundið af stað heimsendi. En hverjum er hægt að treysta í heimi sem er gegnsýrður af ótta? Eldkrossin er full af óvæntum vendingum, spennandi eltingarleikjum og hættulegum aðstæðum. Bókin hentar vel þeim sem hafa gaman að spennusögum þar sem njósnir, samsæri og hraður söguþráður fléttast saman og heldur spennunni allt til loka.

Hvað myndir þú gera ef þú vissir af leyndarmáli sem gæti hrundið af stað stríði? Myndir þú segja sannleikann eða reyna að flýja? Ógnir alpakastalans er spennutryllir sem grípur lesandann strax frá fyrstu blaðsíðu. Fylgst er með Tweed og teyminu hans takast á við taugatrekkjandi aðstæður. Sagan gerist í Sviss á 10 daga tímabili. Lyfjafyrirtæki er að nota sjúklinga sem tilraunadýr í rannsóknum sínum. Svissneski herinn virðist vera furðulega áhugasamur um að halda þessum rannsóknum leyndum. Ætli þetta sé leynilegt verkefni á vegum hersins? Og til hvers ætli rannsóknirnar séu? Aðalpersónurnar þurfa að treysta innsæi sínu þegar þær dragast inn í aðstæður þar sem valdamiklir menn stjórna á bak við tjöldin. Sagan er full af hraða, spennu og óvæntum uppákomum sem halda lesandanum á tánum allan tímann. Bókin hentar þeim sem hafa gaman að ráðgátum og njósnasögum þar sem hættan leynist á hverju horni.